MADINA MUNAWWARA SE WAPSI....
Jab Madina Munawwara se Wapsi Ka Irada ho to Mehrab-E-Nabawi me Ya Uske Qareeb Masjide Nabawi Sharif Me Jaha Jagah Mile 2 Raqa'at Nafil Padhe Uske Baad Mawajahe Aqdas me Hazir Hokar Dard, Ghum, Wa Giryazari ke Sath Salato Salam Arz Kare...
Fir Deen Wa Dunia ki Bhalai, Hajj Wa Ziyarat Qabool Hone Aur Khair Wa Aafiyat Ke Sath Ghar Pahochne ki Dua Mange Aur Khaas Kar ye bhi Dua Kare Ke Hazrika Ye Aakhri Mouka na Ho Balke Khuda Taa'la Is Noorani Maqam ki Bar Bar Ziyarat Karae....
Uske Baad Roza-E-Aqdas Ki Taraf Munh Karke Ulte Pau Chale Ya Sidhe Chale Aur Fir Fir Kar Hasrate Roza-E-Anwar Ko Dekhte Hue Aur Judai me Rote hue Masjide Nabawi Sharif se Pehle Baya(LEFT) Per Nikale Aur Jaha Tak Gumbade Khazra Nazar Aaye Bar Bar Hasrat Bhari Nigaah Se Dekhte Rahe....
WATAN KE QAREEB PAHOCHNA....
Jab Watan ke Qareeb Pahoche to Pehle Kisi Aadmi ko Bhejkar Apni Aamad Se Mutala Kar de Aur Apni Aabadi me Subha Ya Shaam ke Waqt Dakhil ho Aabadi me Dakhil hone Ke Baad Agar Waqte Maqrooh Na ho to Pehle Muhalle ki Masjid Me 2 Raqa'at Nafil Namaz Padhe Fir Apne Ghar me Bhi 2 Raqa'at Nafil Padhe Aur Khuda Taa'la Ka Shukr Ada Kare Ke Usne Khair Wa Afiyat Ke Sath Safar ko Pura Farmaya Aur Hajj wa Ziyarat Ki se Musharraf Farmaya....
To Be Continued...
No comments:
Post a Comment