Raza Ki Raza Network
*【POST 107】Mazaar Sharif Ki Hazri* 💫
📌 *Yaha Maine Suna Ke Kamran Se Koi Ek Mil Fasla Par Kisi Buzurag Ka MazarHai. Maine Aur Mere Sathiyon Ne Hazri Ka Irada Kia Turki Dr Se Puchha, Bakushada Peshani (Khush Dili Se) Ijazat Di Aur Kaha, Aapke Sath Kiye (Yani Kitne) Admi Hoge? Maine Kaha: 10,12. Un Sabko Bhi Ijazat Di Aur Hum Ziyarat E Se Farig Hokar Aaye.*
💫 *Jahaz Me Bayaanat.* 💫
📌 *Jahaz Aur Kamraan Me Taqriban Rozanaa Mere Bayaanat Hote Jis Me Aksar Manasik E Hajj Ki Talim Hoti Aur Wo Jo Humesha Mere Bayan Ka Maqsud E Azam Rahta Hai Yani "Tazim E Shan E Huzur Syed Alam ﷺ. "Ek Boht Bada Rayis Bhi Jahaz Me Tha, Sharif E Waiz Hota, Masail Suna Karta Magar Tazim E Shaan E Aqdas Ke Zikr Ke Waqt Uske Chehra Par Basha'shat (Khushi) Ki Jagah Kudurat(Napasandagi) Hoti , Main Samja Wahabi Hai. Dariyat Kiye Se Malum Huwa Ke Gangoyi Ka Murid Hai. Us Roz Maine Ruh E Sukhn (Bat Ka Rukh) Rad Wahabi Wa Gangoyi Ki Taraf Phera, Jabran Qaharan Sunta Raha Magra Dusre Din Se Bayan Me Na Aya , Maine Hamd Ki Ke Jalsa Paak Huwa.*
✨ _Istigasha Ki Barkat_
📌 *Ab Yaha Kamran Me 9 Din Ho Chuke. Kal Jahaz Par Jana Hai. Daftan Rat Ko Mere Sab Sathiyon Ko Dard E Shikam (Per Ka Dard) Wa Ishal (Ish Hal, Yani Pachish) Aariz(Layaq) Huwa, Mere Dard To Na Tha Magar Panch Bar Ijabat (Rafah Hajat) Ko Mujhe Jana Huwa, Din Chardh Gaya Aur Dr Ke Ane Ka Waqt Huwa, Bahr Turki Mard Aur Andar Aurto Ko Turkiyah Aurat Rozana Aakar Dekha Karte. Mere Bhai Nanhe Miyan Salam (Yani Allama Mohammad Raza Khan Allayrehma) Ko Andesha Huwa Aur Azam Kar Liya Ke Apni Halato Ko Dr Se Kah Do. Mujh Se Dariyafat Kia.*
✨ _Maine Kaha : Agar Bimar Samaj Kar Rok Lege Aur Hajjh Ka Waqt Qarib Hai Mazallah Waqt Par Na Pohcha Sake To Kaisa Kharasa (Yani Nuqsan) Hoga. Khaa :"Ab Dr Ko Aur Doctrani Ate Hoge. Agar Unhe Itlah Hui To Humara Na Kahna Ikhfa (Poshidagi) Me Na Thhehrega? "Maine Kaha ;" Zara Thheharo ! Main Apne Hakim Se Kah Lu. "Makaan Se Bahar Jungle Me Aya Aur Hadees Ki Duayyein Padi Aur Syedna Gaus E Azam Radiallahu Ta'la Anho Se Istimdad (Madad Talab) Ki Ke Daftan Samne Se Hazrta Syedna Sha Gulaam Jilaani Sahab Sajadanashin Sarkar Bansa Sharif Ke Aaulad Imjad Huzur Syedna Gais E Azam Radiallahu Ta'la Anho Se They Aur Mumbai Se Humara Un Ka Sath Ho Gaya Tha, Samne Se Tashrif Laye. Unki Tashrif Awari Faal E Husn (Naik Sogan) Thi._
📌 *Maine Unse Bhi Dua Ko Kaha, Unhone Bhi Dua Farmai. Mujhe Makaan Se Bahar Shayd 10 Mint Hue Hoge, Ab Jo Makaann Me Jakar Dekha Ba Hamd E Ta'la Sabko Esa Tandurast (Durusat) Paya Ke Goya Marz Hi Na Tha, Dard Wagera Kaisa ! Iska Zaif Bhi Na Raha. Sab Dhai Tin Mil Payada (Paidal) Chal Kar Samndar (Dar ) Ke Kinare Pohche.*
*📚 Malfuzaat-E-Aala Hazrat 227,228.*
_♻To Be Continue......🔜🔜💝_
*【POST 106】Mumbai Se Sue Arab Rawanagi.* 💫
📌 *Ab Ek Aur Diqat Paish Ayi Ke Us Jahaz Ka Tikcket Bilkul Taqsim Ho Chuka Tha Jis Me Humare Log Jane Wale They. Ba Majburi Dusre Jahaz Ka Ticket Kharida Aur Wo Bhi Tisre Darje Ka Jis Ki Himat Aage Zahir Hogi Aur Hadeees Ki Duayein Pardi Ke "Sarkar ﷺ. Mujhe Apno Ka Sath Ata Farmaye,, Unse Chhut Kar Main Tanha Kyon Kar Hazir Hoga!"*
✨ _Talsh Ki Gayi Ke Is Jahaz Me Koi Sahab Ese Hai Jo Akele Jane Wale Ho Jinhe Yeh Aur Wo Dono Jahaz Barabar Ho. Maula Ta'la Ki Rehmat Ke Ek Bade Miyan Humare Hi Zila Bareli Muqam Bherdi Ke Sakin Mil Gaye Jinhone Bakhushi Ticket Badal Liya, Wo Us Jahaz Me Gaye Aur Main Ba Fazal E Ta'la Apne Sathiyon Ke Sath Jahaz Me Raha._
📌 *Sarkar ﷺ Ne Pehla Ticket Tisre Darje Ka Isliye Dilwaya Tha Ke Bade Miyan Milne Wale They Jinka Ticket Tisre Hi Darje Ka Tha, Un Se Tabdili Me Mali Nuqsan Na Ho. Bad E Qarntina Is Jahaz Par Sawar Ho Kar 125 Rule Dakhil Karke Awal Darje Ka Ticket Tabdil Kar Liya.*
💫 *Simat E Qibla Nikalne Me Ala Hazrat Allayrehma Ki Maharat.* 💫
📌 *Jab Adan Ke Qarib Jahaz Pohcha Main Namaz E Asar Pada Raha Tha.Namaz Me Ek Arabi Sahab Ki Awaz Mere Kaan Me Pohchi Ke Simt E Qibla Yeh Nahi Hai. Maine Kuch Khayal Na Kia Isliye Ke Main Muw Amara Bandiyah Se Adan Wa Kamaran Ki Simat E Qibla Nikal Chuka Tha. Wo Itni Der Ke Maine Namaz Padi Wazifa Pada, Bethhe Rahe. Jab Main Farig Huwa To Un Se Pucha :"Is Waqt Bataye Simat E Qibla Kis Taraf Hai Aur 5 Mint Pehle Kis Taraf Thi? " Aur Hisab Laga Kar Samjaya Ke Is Waqt Simat E Qiblahi Par Namaz Hui Jis Ko Unhone Bhi Taslim Karliya. Jab Kamran Aya To Qarntine Me Dakhil Hue , Waha 10 Roz Thheharna Huwa. Allah Ta'la Un Turki Karkuno Ko Jaza E Khair De! Hijaz Ko Esa Aram Dia Ke Logo Ko Maine Yeh Kahte Suna Ke Hajj Ka Waqt Qarib Hai Warna Kuch Din Bimar Rahte Aur Yaha Ke Aram Ka Lutaf Uthhate, Mumbai Me Kya Majaal Thi Ke Koi Is Ihata Se Bahra Qadam Rakhta. Ihata Ke Andar Har Baat Ki Rok Tok Thi. Hindu Sipayi Qasdan Hujaz Ko Tang Karte They.*
*📚 Malfuzaat-E-Aala Hazrat 225,226.*
_♻To Be Continue......🔜🔜💝_
*【POST 105】Bareli Sharif Se Mumbai Tak Safar.* 💫
📌 *Bareli Station Se Maine Ek Tar Apni Rawanagi Ka Mumbai Rawana Kia. Waha Sab Ne Yeh Khayal Kia Ke Shayd Hasan Miyan (Yani Ala Hazrat Mazdila Ke Manjle Bhai) Tashrif La Rahe Hai, Is Waste Ke Unka Sal E Ainda Me Irada Tha, Mera Kisi Ko Gumaan Bhi Na Tha, Garz Din Ke Din Tak Sab Ko Tazazub (Iztirab) Raha. Phir Mujhe Rasta Me Ek Din Ki Der Ho Gayi Ke Agar Pur Mil Nikal Gaya Aur Humari Gaid Ne Pessenger Ka Intzar Kia. Molvi Nazir Ahmad Sahab Ne Station Master Se Pucha Ke Humari Gadi Kat Kar Kyon Juda Kar Li? Kaha ; "Mil Rizru Na Tha Apko Pessenger Me Jana Hoga. Yaha Tka Ke Wo Din Aa Gaya Jis Roz Hujaz Mumbai Ke Qarantibnah Me Dakhil Hone Wale They Aur Main Us Waqt Tak Na Pohcha. Ab Shakht Mushkal Ka Samna Tha Ke Humare Log Qurtina Me Dakhil Ho Jayege Aur Main Rah Gyaya, Ab Jana Kyon Kar Hoga? Yeh Din Panjshanba (Yani Jumerat) Ka Hai. Taar Aa Chuka Tha Ke Panjshamba Ko Phara Hokar (Yani Josh Di Hui Dawale) Log Qarntina Me Dakhil Ho Jaye. Gadi Kat Jane Ne Yeh Takhir Ki Ke Mian Jumuah Ke Din Subah 8 Baje Pohcha. Station Par Dekha, Mumbai Ke Ahbaab Ka Hujum Hai, Haji Qasim Wagera Gardiyah Liye Maujud Hai.*
✨ _Salam Wa Musfa Ke Bad Pehla Lafz Jo Unhone Kaha Yeh Tha :"Shehar Ko Na Chale Sidhe Qarntinah Chale, Abhi Aapke Log Dakhil Nahui Hue Hai. "Main Shukr E Illahi Azwajal Bajalaya Aur Apne Logo Ke Sath ,Dakhil E Qarntina Huwa. Yeh Hadees Ki Unhi Dua Ki Barkat Thi, Ke "Gayi Hui Murad" Ata Farmai. Maine Waqiah Pucha. Waha Ke Logo Ne Kaha :Ajab Hai Aur Sakht Ajab ! Esa Kabhi Na Huwa Tha, Panjshamba Ko Roz E Mauaud (Muqara Din) Par Dr Aya Aur Adhe Logo Ko Bhipara Dia (Josh Di Hui Dawoodi) Ke Dafatan (Achanak ) Use Sakhat Gabrahat Paida Hui Aur Kaha Ke Baqi Ka Bhipara Kal Hoga, Yu Tumhare Log Baqi Rah Gaye._
*📚 Malfuzaat-E-Aala Hazrat 224,225*
_♻To Be Continue......🔜🔜💝_
*【POST 104】Ala Hazrat Ka Dusra Safar E Hajj Walida Se Ijazat Kaise Li?* 💫
📌 *(Mazid Farmaya Ke) Maa Ki Mahabbat ! Wo Tin Shabna Roz (Din Rat) Ki Sakht Taklif Yaad Thi, Makaan Me Qadam Rakhte Hi Pehla Lafz Mujh Se Ye Farmaya Ke "Hajj Farz Allah Ta'la Ne Ada Farma Dia, Ab Meri Zindagi Bhra Dubara Irada Na Karna !" Un Ka Ye Farmana Mujhe Yad Tha Aur Maa Baap Ki Mumanat Ke Sath Hajj E Nafal Jaiz Nahi. Yu Khudada Karne Se Majbur Tha. Yaha Se Nanhe Miyan (Bardar Khurd) (Yani Sarkar Ala Hazrat Radiallahu Ta'la Aho Ke Chhote Bhai Maulana Mohammad Raza Khan Allayrehma ) Aur Hamid Raza Khan Mah Mut'lqin Ba Irada Hajj Rawana Hue. Lakhnow Tak In Logo Ko Pohcha Kar Main Wapas Aa Gyaa Lekin Tabiyat Me Ek Qism Ka Itsar Raha. Ek Hafta Yaha Raha, Tabiyat Sakht Pareshan Rahi. Ek Roz Asar Ke Waqt Zayda Iztiraab Huwa Aur Dil Wahan (Yani Harmain Taibain) Ki Hazri Ki Hazri Ke Liye Zada Bechain Huwa. Bad E Magrib Molvi Nazir Ahmad Sahab Ko Station Bheja Ke Jakar Mumbai Tak Second Class Reserve Karwa Le Ke Namazo Ka Aram Rahe. Unhone Station Master Se Gadi Mangi, Usne Pucha : Kis Train Se Irada Hai? Unhone Kaha : 'Isi Shab Ke Das Baje Wali Gadi Se. "Wo Bola " Yeh Gadi Nahi Mil Sakti, Agar Apko Is Se Jana Tha To 20 Gante Paishtar Itlah Dete. Bechare Mayus Ho Kar Lautna Chahte They Ke Ek Ticket Collector Jo Qarib Rahta Tha, Mil Gaya. Usne Kaha :" Tum Gabrao Mat ! Main Chalta Hun Aur Station Master Se Jakar Kehta Hun. Station Master Ne Uski Bat Sun Kar 163 Rupe 5 Aanelekar Second Class Ka Kamra Reservekar Dia.*
✨ _Isha Ki Namaz Se Awal Waqt Farig Ho Liya. Shikram (Yani Char Peiyo Wali Makhsus Gadi) Bhi Aa Gayi. Sirf Walida Se Ijazat Lena Baqi Rah Gayi Jo Nihayat Aham Masla Tha Aur Goya Iska Yaqn Tha Ke Wo Ijazat Na Degi Kisi Tarah Arz Karu Aur Bagair Ijazat Walida Hajj E Nafal Ko Jana Haram. Akhir Kar Andar Makaan Me Gaya, Dekha Ke Hazrat Walida Majida Chadar Ordhe Aram Farmati Hai. Maine Aankhe Band Karke Qadmo Me Sar Rakh Dia, Wo Gabra Kar Uthh Bethhi Aur Farmaya :"Kya Hai?" Maine Arz Kia :"Huzur ! Mujhe Hajj Ki Ijazat De Dijiye. "Pehla Lafz Jo Farmaya Yeh Tha Ke:"Khuda Hafiz!" Yeh (Walida Ka Yu Ba Asani Ijazat De Dena) Unhe Dua Ka Sar Tha. Main Ulte Peero Bahar Aya Aur Fauran Sawar Hokar Station Pohcha. Chalte Waqt Jin Laga (Bartan) Me Maine Wuju Kia Tha, Walida Majida Ne Uska Paani Meri Wapsi Tak Na Phekane Dia Ke Uske Wuju Ka Pani Hai._
*📚 Malfuzaat-E-Aala Hazrat 223,224.*
_♻To Be Continue......🔜🔜💝_
*【POST 103】Duao Par Bharosa.* 💫
📍 *Maulif :- (Yani Ala Hazrat Allayrehma ) Bad Namaz E Asar Sahan Me Tashrif Frama Hai, Murideen Wa Mautqadeen (Yani Aqidatmand Rakhne Wale) Hazir E Khidmat Ke Molvi Rehamillahi Sahab (Allayrehma) Mudrisa Daum E Madarsa E Isla Aur Talib E Ilm Molvi Najeeb Ul Rehmaan Ek Kitab Humara Laye. Huzur Ne Dariyafat Farmaya : Kya Kitaab Hai?*
✨ _*Arz:* Kya Huzur !"Amal E Taskhir (Yani Kisi Jin Ya Insaan Ko Qabu Karne Ke Amliyat Ke Bare) Me Hai Ek Ibarat Ka Matlab Dariyfat Karna Tha._
📌 *Irshad: Mere Pass In Amaliyat Ke Zakhire Hai Lekin Bahamd E Lillah Ta'la Aj Kabhi Is Taraf Khayal Bih Nahi Kia. Humesha Un Duao Par Jo Ahadees Me Irshad Hue Amal Kia. Meri To Tamam Mushkilaat Inhi Se Hal Hoti Rahti Hai.*
💫 *Samandari Tufaan.* 💫
📌 *(Isi Tazkire Me Farmaya) Dusri Baar Jab Kabba Muazmah Hazir Huwa , Yaka Yak (Yani Achanak) Jana Ho Gaya, Apna Pehle Se Koi Irada Na Tha. Pehli Bar Ki Hazri Walidain Majidain Rehamtulllah Allay Ke Humra Rikaab (Humrahi Me) Thi. Us Waqt Mujhe 30va Saal Tha. Wapsi Me Tin Din Tufaan Shadid Raha Tha, Iski Tafsil Me Boht Taul Hai. Logo Ne Kafan Pehle Liye They. Hazrat Walida Majida Ka Iztiraab (Parehsani) Dekh Kar Unki Taskin (Yani Tasli) Ke Liye Be Sakhta Meri Zubaan Se Nikala Ke Aap Itminan Rakhe, Khuda Ki Qasam ! Yeh Jahaz Na Dubega. Yeh Qasam Maine Hadees Hi Ke Itminaan Par Khai Thi Jisme Kashti Par Sawaar Hote Waqt Garz (Yani Dubne) Se Hifazat Ki Dua Irshad Hui Hai. Maine Wo Dua Padli Thi Lihaja Hadees Ke Wada Sadiqa (Sache Wade) Par Mutmaeen Tha. Phir Bhi Qasam Ke Nikal Jane Se Khud Mujhe Andesha Huwa Aur Ma'an Hadees Yad Aai:*
✨ _Jo Allah Ta'la Par Qasam Khaye, Allah Uski Qasam Ko Rad Farma Deta Hai._
📖 *[Kanzul Umaal]*
📌 *Hazrat Izzat (Yani Allah Ta'la) Ki Taraf Ruju Ki Aur Sarkar E Risalat ﷺ Se Madad Mangi Alhumdullilah Azajjal Ke Wo Mukhalif Huwa Ke Tin Din Bashidat Chal Rahi Thi Do Gardi Me Bilkul Mauquf Ho Gayi (Yani Ruk Gayi) Aur Jahaz Ne Nijaat Pai.*
*📚 Malfuzaat-E-Aala Hazrat 221,222.*
_♻To Be Continue......🔜🔜💝_
*【POST 102】Paani Ke Musaam.* 💫
✨ _Paani Me Musaam Hai Ya Nahi?_
📌 *Irshad: Nahi Ke Paani Me Baltabh Khila Bharne Ki Quwat Rakhi Gyai Hai. Zaroor Hai Ke Jo Masam Farz Kiye Jaye Wo Pani Ke Unse Uper Hai Unki Taraf Utarega Aur Unhi Bharega Aur Musaam Hone Falsfa Jadida Ki Yeh Dalil Ke Shaikdo Dalne Se Pani Me Hal Ho Jati Hai Aur Uska Hajam Nahi Badta Maqbul Nahi. Jab Ziyarat Qadr E Ahsaas Ko Pohchegi Zaroor Hajam Badta Huwa Mehsoos Hoga Magar Ek Istdalaal Is Par Yeh Khayal Me Ata Hai Ke Hauz Ke Kinaare Ek Shakhs Khada Hai, Dusra Gauta Lagaye Aur Bahar Wala Shakhs Ba Awaz Pukare Agar Musaam Hai To Zaroor Sunega Aur Sunta Hai,*
✨ _To Malum Huwa Ke Musaam Hai Bakhilaaf Iske Ek Kamra Sirf Aaina Ka Farz Kijiye Jis Me Kahi Rozan Na Ho, Uske Andar Ki Awaz Bahar Na Ayegi Aur Bahar Ki Andar Na Jayegi Agar Chand Andar Bahar Wo Shakhs Mutsil (Qarib) Khade Ho Kar Ek Dusre Ko Ba Awaz E Buland Pukare Magar Yeh Istdala Bhi Kafi Nahi Awaz Pochane Ke Liye Mala Fazil Me Tahmuj Yani Lahro Ka Talatum) Chaiye Masaam Ki Kya Hajat , Haan Jaha Tamuj Na Ho Ba Zariyah Musaam Pohchegi, Aine Me Na Tamuj Na Musam Lihaja Na Pohchegi. Pukhta Wa Khaam Imaarat Main Tamuj Nahi Munafiz Wa Musaam Hai Un Se Pohchti Hai._
📌 *Aab Wa Hawa Khud Apne Tamuj Se Pohchte Hai Aur Yeh Hi Asal Zariyah E Saut (Yani Awaz Pohchane Ka Zariya) Hai. Hawa Me Tamuj Zaid Hai Ke Paani Se Altaf (Yani Zayda Latif) Hai, Wo Zayda Pohchati Hai Aur Paani Kam. Taalab Me Do Shakhs Dono Kinaro Par Gauta Lagaye Aur Unme Se Ek Int Par Int Mare, Dusre Ko Awaz Pohchegi Magar Na Itni Ke Hawa Me.*
📖 *[Qat'ah Tarikh Atiyah Ala Hazrat Azim Ul Barkat Madzila Quds]*
📌 *Mere Malfuz Kiye Kuch Mehfuz Mustafa Mustafa Ka Ho Malhuz Naam Taarikhi Uska Rakhta Hun Zubr Wa Baina Me Al Malfuz. Hizri 1338*
*📚 Malfuzaat-E-Aala Hazrat 219,220.*
_♻To Be Continue......🔜🔜💝_
*【POST 101】Huzur Gaus E Paak Ki Shaan.* 💫
✨ _Ek Sahab Ajla (Yani Jalil Ul Qadr) Aauliyah E Kiram (Rehamtullah) Se Kisi Ne Puchha : Hazrat Khizr Allay Zinda Hai?_
📍 *Farmaya: Abhi Abhi Mujh Se Mulaqat Hui Thi. Farmate They " : Maine Jungle Me Tele Par Ek Noor Dekha Jab Main Qarib Gaya To Malum Huwa Ke Wo Kambl Ka Noor Hai. Ek Sahab Use Ordhe So Rahe Hai. Maine Pao Pakd Kar Hilaya Aur Jaga Kar Kaha " Uthho Mashgul E Bakhuda Hu. "Kaha: " Aap Apne Kama Me Mashgul Rahe Mujhe Meri Halat Par Rahne Dijiye." Maine Kaha" Main Mashur Kiye Deta Hun, Yeh Waliullah Hai. "Klaha " Main Mashur Kar Duga Ke Yeh Hazrat Khizar Alaysallam Hai. "Maine Kaha" Mere Liye Bdua Karo. "Kaha"Dua To Aap Hi Ka Haq Hai." Maine Kaha "Tumhe Dua Karni Hogi." Kaha Allah Ta'la Apni Zaat Me Aapka Nasiba (Hisa) Zaid Kare Aur Kaha : Main Agar Gayz Ho Jau To Malamat Na Farmayega Aur Fauran Nbazar Se Gayab Ho Gaye Halake Kisi Wali Ki Taqat Na Thi Ke Meri Nigah Se Gayab Ho Sake. Waha Se Aage Bada Ek Aur Isi Tarh Ka Noor Dekha Ke Nigah Ko Khair Karta (Yani Aankh Chundita) Hai. Qarib Gaya To Dekha Tele Par Ek Aurat Kambal Ode So Rahi Hai. Wo Uske Kambal Ka Noor Hai. Maine Pao Hila Kar Kaha Hoshiyar Karna Chaha. Gaib Se Nida Ai Aey Khizr (Allaysallam) Ahtiyat Kijiye.*
📌 *"Is Bibi Ne Aankh Kholi Aur Kaha : Hazrat Na Roke Yaha Tak Roke Gaye. Maine Kaha : "Uthh Mashgul E Bakhuda Ho." Kaha Hazrat Apne Kaam Me Mashgul Rahe, Mujhe Apni Halat Par Rahne De. Maine Kaha " To Main Mashur Kar Deta Hun: Yeh Waliallah Hai.L Kaha: "Main Mashur Kar Kar Dugi Yeh Hazrat Khizr Alaysallam Hai. "Maine Kaha : "Mere Liye Dua Karo". Kaha : :Dua To Apka Haq Hai. "Maine Kaha : '"Tumhe Dua Karni Hogi." Kaha : Allah Ta'la Apni Zaat Me Aapka Nasiba Zaid Kare." Phir Kaha "Agar Me Gayab Ho Jau To Malamat Na Farmayega." Maine Dekha Yeh Bhi Jati Hai, Kaha Yeh To Bataye Kya Tu Usi Mard Ki Bibi Hai. Kaha "Han Yaha Ek Waliya Ka Intqaal Ho Gaya Tha Uski Tajhiz O Takfin Ka Hume Hukm Mila Tha." Yeh Kaha Aur Meri Nigah Se Gayab Ho Gayi. Hazrat Khizar Allaysalam Se Pucha ; "Yeh Kon Log Hai?" Farmaya : Yeh Log" Afrad" Hai. Maine Kaha Wo Bhi Koi Hai Jiski Tarf Yeh Ruju Late Hai. Farmaya : "Haan" ! Shaikh Abdul Qadir Jilaani.*
💫 *Gaus Ka Janshin.* 💫
✨ _*Arz: :* Gaus Ke Intqaal Ke Bad Darja E Gausiyat Par Kon Mamur Hota Hai?_
📌 *Irshad: Gaus Ki Jagah Imamain Se Gaus Kar Dia Jata Hai Aur Imaamain Ki Jagah Autad E Arba Se Aur "Autaadd" Ki Jagah Budala (Yani Abdalo) Se "Budla" Ki Jaga Sabaeen Se Aur Unki Jagah Tin So "Nuqba" Se. Phir Aauliuah Se Aur Aauliyah Ki Jagah Ama Momin Se Kar Dia Jata Hai. Kabhi Bila Lihaaj E Tartib Kafir Ko Musalam Karke Badal Kar Deta Hai, Unka Martabab Abdal Se Zayda Hai.*
*📚 Malfuzaat-E-Aala Hazrat 218,219.*
_♻To Be Continue......🔜🔜💝_
*【POST 100】Kya Gaus Har Zamane Me Hota Hai?* 💫
✨ _*Arz:-* Gaus Har Zaman Ame Hota Hai?_
📌 *Irshad: Bagair Gaus Ke Zamin Wa Asman Qayam Nahi Rak Sakte.*
💫 *Gaus Ka Kashf.* 💫
✨ _*Arz: :* Guas Ke Marqabe Se Halat Munkshaf (Yani Zahir ) Hote Hai?_
📌 *Irshad: Nahi ! Balke Unhe Har Haal Yuhi Mishl Aaina Paish E Nazar Hai. (Iske Bad Irshad Farmaya) Har Gaus Ke Do Waizr Hote Hai. Gaus Ka Laqab "Abdullah" Hota Hai Aur Wazir Dast E Rast (Daye Taraf Ka Wazir) Abdulrab" Aur Zair E Dast Chap (Yani Bhaye Taraf Ka Wazir) "Abdul Malik". Is Saltnat Me Wazir Daste Chap, Wazir Rast Se Ala Hota Hai Bakhilaaf Saltnat E Dunia Isliye Ke Yeh Saltnat E Qalb Hai Aur Dil Janib Chhap. Gaus E Akbar Gaur Har Gaus Huzur Syed Alam ﷺ Hai. Sidiq E Akbar Radiallahu Ta'la Anho Huzur ﷺ Ke Wazir E Dast E Chap They Aur Farooq E Azam Radiallahu Ta'la Anho Wazir E Dast Rast. Phir Ummat Me Sab Se Pehle Darja Gaus Par Ameer Ul Mominn Hazrat Abubakar Sidiq Radiallahu Tala Anho Mumtaz Hue Aur Wazrat Ameer Ul Mominin Farooq E Azam Wa Usman E Gani Radiallahu Ta'la Anho Ko Ata Hui, Iske Bad Ameer Ul Mominin Farooq E Azam Radiallahu Ta'la Anho Ko Gausiyat Marhatm Hui, Aur Usman E Ganji Radiallahu Ta'la Anho Wa Maula Ali Karamullah Wz Ul Karim Wazir Hue Phir Amir Ul Mominin Hazrat Gusaman E Gani Radiallahu Ta'l Anho Ko Guasiyat Inayat Huiu Aur Maula Ali Karamullah Wz Ul Karim Wa Imaam Hasan Radiallahu Ta'la Anho Wazir Hue Phir Maula Ali Karamullah Wz Ul Karim Ko Aur Imamain Mohtramin Radiallahu Anho Wazir Hue, Phir Imaam Hasan Radiallahu Ta'la Anho Se Darja Ba Darja Imaam Hasan Askari Radiallahu Ta'la Anho Tak Yeh Sab Hazrat Maqbul E Gaus Hue. Imaam Hasan Askari Radiallahu Ta'la Anho Ke Bad*
✨ _Huzur Gaus E Azam Radiallahu Ta'la Anho Tak Jitne Hazrat Hue Sab Unke Nayb Hue. Unke Bad Syedna Gaus E Azam Radiallahu Ta'la Anho Matqil Gaus, Huzur Tanha Gausiyat Kubra Ke Adrja Par Faiz Hue. Huzur "Gaus E Azam" Bhi Hai Aur Syed Ul Afrad Bhi, Huzur Ke Bad Jitne Hue Aur Jitne Ab Hoge Sab Hazrat Imaam Mehdi Radiallahu Ta'la Anho Tab Sab Nayb E Huzur Gaus E Azam Radiallahu Ta'la Anho Hoge Phir Imaam Mehdi Radiallahu Ta'la Anho Ko Gausiyat E Kubra Ata Hogi._
💫 *Afraad Kon Hai?* 💫
✨ _Huzur "Afraad" Kon Ashab Hai?_
📌 *Irshad: Ajla Aauliyah E Kiram (Rehamtullah Allay) Se Hote Hai. Wilayat Ke Darjat Hai, Gaus Ke Bad Fardiyat.*
*📚 Malfuzaat-E-Aala Hazrat 216,217.*
_♻To Be Continue......🔜🔜💝_
*【POST 99】Aauliyah Allah Ka Ek Waqt Me Mut'adad Jagah Maujud Hona.*💫
✨ _*Arz:* Huzur ! Aauliyah Ek Waqt Me Chand Jagah Hazir Hone Ki Quwat Rakhte Hai?_
📌 *Irshad: Agar Wo Chahe To Ek Waqt Me 10000 Sheharo Me 10000 Jagah Ki Dawat Qabul Kar Sakte Hai.*
💫 *Ek Shuba Aur Uska Izala.* 💫
✨ _Arz E Maulif:Huzur Is Se Yeh Khayal Hota Hai Ke "Alam Mishal" Se "Ajsham E Mashliya" Aauliyah Ke Tabeh Ho Jate Hai Isliye Ek Waqt Me Mut'adad Jagah Ek Hi Sahab Nazar Ate Hai. Agar Yeh Hai To Is Par Shuba Hota Hai Ke : Mishl" To Shay Ka Gair Hota Hai._
*Amshal Ka Wujud Shay Ka Wujud Nahi To In Ajsam Kao Jod Is Jism Ka Wujud Na Thhehrega?*
📌 *Irshad:- Amshal Agar Hoge To Jism Ke. (Jabke) Unki Ruh In Tamam Ajsam Se Mutliq Hokar Tasruf Farmayegi To Az Ruh Ruh Wa Haqiqat Ek Zat Har Jagah Maujud Hai Yeh Bhi Faham E Zahir Me Warna "Shab E Sanabil Sharif" Me Hazrat Syedi Fatah Mohammad Quds Sira Sharif Ka Waqt E Wahid Me 10 Majliso Me Tashri Le Jana Tahrir Farmaya Aur Yeh Ke Is Par Kisi Ne Arz Ki Hazrat Ne Waqt E Wahid Me 10 Jagah Tashrif Le Jane Ka Wada Farma Liya Hai, Yeh Kyon Kar Ho Sakega? Shaikh Ne Farmaya: "Kirshan Kanhiyah Kafir Tha Aur Ek Waqt Me Kayi So Jagah Maujud Ho Gaya, Fatah Mohammad Agar Chand Jagah Waqqt Me Ho Kya Tajub Hai !"*
📖 *[Sabe Sanabil]*
✨ _Yeh Zikr Karke Farmaya: Kya Yeh Gumaan Karte Ho Ke Shaikh Ek Jagah Maujud They Baqi Jagah Mishali? Hasha ! Balke Shaikh Bazat E Khud Har Jagah Maujud They. Israr E Batin Faham E Zahir Se Wara Hai. *(Yani Batani Raz Zahir Samj Se Bahar Tar Hai)* Khuzu Wa Fikr Be Ja Hai."_
💫 *Hindustaan Me Islam Kab Phaila?* 💫
✨ _*Arz: :* Huzur Hindustaan Me Islam Hazrat Khawza Gareeb Nawaz Rehamtullah Allay Ke Waqt Se Phaila?_
📌 *Irshad: Hazrat Se Kayi So Baras Pehle Islam Aa Gaya Tha. Mash'hur Hai Ke Sultan Mehmood Gaznawai Ke Satar Hamle Hindustaan Par Hue.*
💫 *Ek Shair Ka Matlab.* 💫
✨ _*Arz: :* Is Sher Ka Kya Matlab Hai?_
🌴 *“Ahl Nazar Ne Gaur Se Dekha To Yeh Khula' 'Kabba Jukka Huwa Tha Madine Ke Samne”* 🌴
📌 *Irshad: Shab E Milaad Kabbe Ne Sajda Kia Aur Jhuka Muqam E Ibrahim Ki Taraf Aur Kaha: Hamd Hai Uski Wajh E Karim Ko Jisne Mujhe Bhuto Se Paak Kia.*
*📚 Malfuzaat-E-Aala Hazrat 214,215*
_♻To Be Continue......🔜🔜💝_