KURBANI....
Yaha Bakra Eid ki Namaz Nahi Padhi Jaegi Kankari Marne se Farig Hokar Hajj ke Shukrane ki Kurbani Ki Jaegi...
Hajj ke Shukrane ki Kurbani Hajje Kiran Karne Wale Aur Hajje Tamto'a Karne Wale Har Haji Mard-Aurat Par Wajib hai Agarche Gareeb ho Aur Hajje Ifrad Karne Wale Haji Ke Liye Mustahab Hai Agarche Maaldar ho...
Hajje Qiran Aur Hajje Tamto'a Karne Wale Agar Mohtaj Mahaz Ho Yaani Unke Pas Itna Naqd Na ho Ki wo Janwar Kharid Sake Aur Na Esa Saman Hai Ke Use Bechkar La Sake to Unpar Kurbani ke Badle 10 Roze Wajib hai Hajj Ka Aehram Bandhne Ke Baad Jab Chahe Rakhe Behter Ye hai ki 7, 8, 9, Zulhijja ko Aur Baki 7 Roze 13 vi Zulhijja Ke Baad Jab Chahe Rakhe Behter Ye hai ke Ghar Pahochkar Rakhe..
Hajje Qiran Aur Hajje Tamto'a Karne Wale Agar Mukeem ke Huqum me hai Aur Sahibe Nisab hai To Unpar 2 Kurbani Wajib hai Aur Hajj ke Shukrane ki Aur Dusri Bakri Eid ki Ya Yu hi Agar Hajje Ifrad Karne Wale Sahibe Nisab Hai Aur Mukeem Ke Huqm me Hai To Us Par Bakra Eid ki Kurbani Wajib hai Lekin Ye log Agar Bakra Eid Ki Kurbani ka Intezam Apne Watan me Kara de to Harz nahi Magar Hajj ke Shukrane ki Kurbani Aur Kaffare ki Kurbani Sirf Mina Aur Pure Hudude Haram me Hi ho Sakti hai Uske Bahar Watan Wagera me Nahi ho Sakti...
Makka Muqarrama Me Aaj Kal Kurbani Ka Tokan Becha Jata hai Jisko Haji Mukhtalif Idaro Aur Banko Se Kharidte hai Aur Baa'az Surto me Tokan ke Sath Sath Kurbani ka Waqt Aur Tarikh ka Taayyun Bhi hota hai Lekin Kya Yakeen ke Us Tarikh Aur Waqt par Kurbani huo bhi Ya nahi???
Aur Agar Kurbani Ho bhi Gai To Kya Yakeen ke Janwar Aibo Se Paak bhi tha ya Nahi Kyunke Tokan Wale Idare Truko ke Hisab se Janwar Kharidte Hai Aur Ek Taraf se Zibah Karna Shuru Karte hai Lihaza Is Shak Wa Taraddud Me Padne ke Bajae Khud Kurbani ka Janwar Dekhbhal Kar Kharide Ya Kabile Aitbar Shaksh se Kharidwae Aur Use Khud Zibah Kare Ya Zibah ke Waqt Moujud rahe Aur Agar kisi ko Nayab Banaya Hai to Wo Aa kar Khabar de ke Tumhari Taraf se Kurbani Ho gai Fir Halak Wagera Karae....
Hajje Qiran Ya Hajje Tamto'a Karne Wale Haji ne 10 vi ki Ramee Jimar se Pehle Kurbani Kar li to Uspar Dum Wajib hai....
Meena Sharif Chuke Hudude Haram me Hai Lihaza Waha Ek Kurbani Ka Sawab Ek Lakh Kurbaniyo ke Barabar Hai Agar Wus'at Ho to Apni Taraf se Kurbani ke Baad Apne Muslim Aaba wa Ajdad Aur Buzurgane Deen Aur Khaskar Saiydde Qaynat Shafi-ul Muznabin Huzur Purnur Sallahu Alayhi Wasallam Ki Taraf se Bhi Kare....
HALAK-WA-TAKSIR KE MUKHTASAR MASA'IL....
Halak(SARE SARKA BAAL MUNDWANA) Mardo ke Liye Afzal Hai Taksir(Sare Sar Ya Kum Se Kum Chouthai Ser le Tamam Balo ko Ungli ke Ek Pore ke Barabar Katna) Zaiz hai...
Halak ho Ya Taksir Baloko Katne ki Ibteda Dahni(Right) Janibse Hona Chahiye Aur Afzal ye hai ki Haji Hajjan Qibla Rukh Bethe Jab tak Bal Munde Ya Tarashe Jate Rahe Us Waqt Tak Takbir Wa Tehlil Aur Hamde Ilahi Bayan Karte Rahe Fir Faragat Ke Baad Apni Aur Tamam Musalmano Ki Bakshish Ki Dua Karni Chahiye....
Baal Ya Nakhun Ya Jism Se Koi bhi Hissa Juda hua to Usko Hamesha Dafan Kar dena Chahiye Warna Uski Behurmati Hogi...
Kurbani Karne ke Bad Qarin Wa Mutmate Haji Ek Dusre ka Ser Mund Sakte hai....
10 vi ki Ramee ke Bad Ek Mufrid Haji Dusre Mufrid Haji Ke Ser ke Baal Mund Sakta hai Aur Katar Sakta hai...
Umrah Karne Wale log Jab Saise Farigh Ho jae To ek Dusre Umrah Karne Walo ke Baal Bana Sakte hai Ke Ye Waqt Aehram se Bahar Aane ka Waqt hai....
Jis Haji ne Barvi Ke Suraj Dubne tak Baal nahi Banwaya Us par Dum Lazim hai...
Jo Saksh Pehle se Ganja ho To Usko ser pe Ustara Chalwana Wajib hai Agar Usne Ustara Nahi Firwaya To Us Par Dum Wajib hai...
To Be Continued...
No comments:
Post a Comment