TAWAAF KE MASA'IL....
Tawaf ke Sahih Hone ke Liye Niyyate Twaf Nihayat Zaruri hai Uske Bagair Tawaf ho Hi Nahi Sakta....
Tawaf ki Niyyat Karte Waqt Qaba Muqarrama Ki Taraf Chehra Rahe Aur Hajre Aswad Dae Hath ki Taraf Rahe Aaj Kal Tawaf Karne ki Asani ke Liye Hajre Aswad ke Sidhe me Hajre Aswad Ke Niche se Masjide Haram ke Zine Tak Gehre Badami Rang ka Marbal Laha diya gaya hai Ye Marbal Jab Dahine Hath ko Taraf Rehta hai To Hajre Aswad Bhi Dahine Hath ki Taraf Rehta hai....
Isteba'a Sirf Tawaf Ki Halat me Masnun hai Baa'az Anjan Log Saime Mina Wa Arfat Me Balke Bazaro me Apne Kandhe Kholkar Chalna Fe'ale Sawab Samajte hai Halake ye Khilafe Sunnat hai Aur Makrooh hai...
Tawaf Se Farigh Hokar Iztebai Halat Khatm Karke Chadar Ko Chadar ki Trah Ordh Le Sirf Se Na Dhake Agar Ek kandha Kholkar bhi Namaze tawaf Padhe To Namaz Maqrooh hogi....
Tawafe Farz Ya Tawafe Kudum me( Yani Umrah Karne Wale Hajje Ifraad Karne Wale Hajje Kiran Karne Wale Ke liye) Tawaf ke Ibtedai Teen Chakkaro me Ramal Karna Sunnat hai Ramal ka Matlab Akad Kar Mundhe Halate Hue Kuch Tezz Magar Chote Chote Qadam ke Sath Chalna....
Tawafe Ziyarat me Ramal Masnun hai Magar Izteba Nahi...
Halate Tawaf me Seena Ya Peeth Qaba Sharif ki Taraf Nahi Hona Chahiye Aur Agar ho Jae To Jitna Fasla Seena Ya Peeth Kiye hue Tay kiya Usko Firse Dohrae Aur Behter hai ki Us Chakkar ko Naye Seere se Kare...
Agar Farz Tawaf Be-wuzu Kiya To Dum lazim hai Magar Us Tawaf ka Lotana Mustahab hai Aur Agar Ba-Wuzu Louta Liya to Dum Sakit ho Gaya...
Umrah Karne Wale Ne Agar Be Wuzu Tawaf kiya Ya kisi Ek Chakkar me Be-Wuzu Ho Gaya To Dum Wajib Hai Haan Ba-Wuzu Tawaf ko Dohra Lene se Dum Sakit Ho Jaega....
Tawaf Me Esi koi Khilaf Warzi Ho Gai Jisse Dum Ya Sadqa Lazim Aata hai Fir Tawaf Karne Wala Uski Talafi Makka Muqarrama me Nahi Kar Saka Aur Watan Lout Aya To Uska Firse Makka Sharif Lout Kar Aana Uski Talafi Karna Zaruri Nahi Hai...
Balke Wo Watan Se hi Kiai Mutayyan Aadmi ki Marafat Dum Wagera ki Qeemat Bhej de Take Iske Liye Hudude Haram me Dum Wagera De diya Jae Is Trah wo Bariuzzzama Ho Jaega....
Umrah Karne Walo ko Tawaf ke Chakkar me Shak ho jae To jis Chakkar me Shak Hua Usko Firse Dohra le Take Shak Yakeen se Badal Jae.....
TAWAAF-E-FARZ.....
(Maslan Tawafe Ziyarat) Ya Tawafe Wajib (Maslan Bahar ke Haji ke liye Tawafe Wada) Me Agar Chakkaro ko Geenti me Bhul Jae Aur Shak ho Jae Ke Na Maloom ho Ki 5 Chakkar Hue Ya 6 To Naye Sire se Tawaf Shuru Kare...
Agar Tawafe Sunnat Ya Tawafe Nafil me Chakkar ki Tadad Bhool jae To Gumane Galib par Amal Kare Fir Agar Gumaan Kisi Ek Janib Galib Na Aata Ho yo Naye sire se Tawaf Shuru Kare....
Agar Tawaf ke 2 Ya 3 Chakkar Laga Diye Aur Fir Wuzu Toot Gaya To Wuzu Karne ke Bad Tawaf Jaha se Choda Hai Waha Se Shuru Kar Sakte hai Aur Agar chahe to Azsare 9 Tawaf Shuru Kare...
To Be Continued...
No comments:
Post a Comment