WAKUF-E-MUZDALFA.....
Jisne Wadi-E-Muhassar me Qayam Kiya Uska Wakufe Muzdalfa Sahih Nahi Hua Us Par Dum Wajib hai...
Arfat me Gurube Aaftab Ho Jane ke Baad Namaze Magrib Na Padhe Aur Na Raste me Padhe Agar Arfat Ya Raste me Padhega To Gunaah Gaar hoga Aur Us Namaz Ka Loutana Bhi Wajib hai....
Muzdalfa Pahochkar Bhi Agar Magrib ka Waqt Baki Hai( YANI SHAGQE ABYAD) Hai to Magrib ki Namaz Nahi Padhni Chahiye Balke Jab Isha Ka Waqt ho Jae Aur Saleh Imamat Imam Mayassar ho To Jama'at Ke Sath Pehle Magrib Ke Farz Fir Isha Ke Farz Padhe Uske Baad Magrib ki Sunnate Fir Isha ki Sunnate Fir Witr Padhe...
Muzdalfa Ki Raat bhi Badi Kher Wa Barkat Wali Raat hai Baa'az Aqabeer Ulema e Kiram Ne Is Raat ko Laylatul Baa'rat Aur Laylatul Qadr se bhi Afzal Bataya Hai Lihaza Sari Raat Hamd Wa Sana Wa Zikr Wa Dua Aur Durood Khawani me Guzare Aur Agar Thalawat Ki Vajah se Neend Ka Galba ho To Jaldi So Jae Take Raat ke Pichle Peher Me Zarur Bedar ho Jae.....
Shetan ko Marne ke Liye Kankariya Muzdalfa Se Hi Choon Lena Chahiye Jiski Taadad Kum se kum (49) Ho Take Teeno Din ke Liye Kifayat Kare Kankariya Na Bhot Choti Ho Na Bhot Badi Balke Khajur Ki Guthli le Barabar Ho Aur Paak Jagah se Uthai Gai ho Fir bhi Kankariyo ko Dho lena Behter hai...
Subha Sadik Tulu'a Hone se Tulu'e Aaftab Tak Wakufe Muzdalfa Ka Waqt hai....
WAKUF-E-MUZDALFA.....
Agar Koi Saksh Raat Bhar Muzdalfa me Thehra Aur Subha Sadik Se Pehle Hudude Muzdalfa Se Nikal Gya To Us par Dum Wajib hai Ke Usko Muzdalfa Ka Waquf Hi Nahi Mila...
Koi Saksh Subha Sadiq Hone Se Pehle Arfat Ki Taraf se Aya Aur Mina Ki Taraf Nikal Gaya Yaani Subha Sadiq Mina ke Hudud me Dakhil Hone ke Baad Hui To Us Par Dum Wajib hai....
Hajiyo ke Huzum Ki Vajah se Agar Bus Walo ne Muzdalfa Sharif me Bus ko Nahi Thehraya Yaha Tak ke Subha Sadik Hone se Pehle Bus Muzdalfa ke Hudud Se Bahar ho Gai To Usme Sawar Tamam Hajiyo par Dum Wajib hai...
Wadi-E-Muhassar Ya Uske Qareeb se Tezi ke Sath Nikal kar Muna me Dakhil Ho Jana Chahiye...
Aurte Bimar Wa Zaeef Jinhe Bheed Ki Vajah se Muzdalfa Me Theherna Wajhe Aziyyat Ho Aur wo Aziyyat Unke Liye Mazeed Pareshaniyo ka Sabab Bane to Wo log Majburan Waqt se Pehle bhi Mina Ja Sakte hai Magar unhe Kuch Sadqa Wa Khairat Kar dena Chahiye...
Agar Koi Acha Khasa Tandurast Haji Muzdalfa Me Esa Beemar ho Gaya Ke Use Mina Ya Makkah Muqarrama Jana Pada Aur Wo Subha Sadik Hone se Pehle Hi Chala Gya To Uspar Koi Kaffara Nahi....
Agar Muzdalfa Se Kankariya Chunna Bhul Gaya To koi Harz Nahi Use Chahiye Ke Mina hi ne Kisi Paaak Jagah se Kankariya Hasil Kare Aur Us Achi Tarah Dhoe Lekin Jumrat ke Qareeb se Kankariya Na Uthae.....
Muzdalfa Se Mina Aur Mina se Jumratul Uqba (PEHLA SHETAN) Tak Raste Bhar Hamd Wa Sana Zikr Wa Dua Aur Durood Sharif Ki Kasrat Honi Chahiye...
To Be Continued...
No comments:
Post a Comment